الرئيسية| التسجيل| الإحصائيات| قائمة الأعضاء| بحـث| آخر المشاركات| قوانين المنتدى| الاسئلة الشائعة| اذاعة القراءن الكريم|

استرجاع كلمة المرور     التسجيل في المنتدى
السلام عليكم ورحمة الله وبركاته أهلا بك عزيزي الزائر



    آخر المواضيع :


http://www2.0zz0.com/2014/12/06/22/508506600.jpg

منتديات الفقيه » واحة اللغة العربية و آدابها » يا طير يا عالى فى السما طز فيك ما تفتكرش ربنا مصطفيك

رد جديد موضوع جديد
 
الكاتب طباعة الموضوع  |  إرسال الموضوع لصديق  |  أخذ نسخة من الموضوع  

نور الصباح

مشرف واحة التاريخ و الاثار


الهوية الشخصية
رقم العضوية : 22842
المشاركات : 12482
الزيارات : 480
الانضمام : 1/8/2008
النوع : أنثــــى
الحالة : غير متصل



على بعد مليون ميل من أرضنا
من الفراغ الكونى بصيت أنا
لا شفت فرق ما بين جبال أو بحر
ولا شفت فرق بين عذاب أو هنا
عجبى !!!!!

إنسان إيا إنسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقه لك؟؟
عجبى !!!!!

نظرت فوقى للنجوم وأنا ساير
رجليا عترت فى الحفر والحجاير
بقيت أقول أنا والتراب : يا سلام
مش بس عبرة أخدت لكن عباير
عجبى !!!!!

يا نجم نورك ليه كده بيرتجف؟
هو أنت قندل زيت؟ أو تختلف؟
أنا نجم عالى بس عالى قوى
وكل ما أنظر تحت أخاف انحدف
عجبى !!!!!

السم لو كان فى الدوا منين يضر؟
والموت ولو لعدونا منين يسر؟
حط القلم فى الحبر وأكتب كمان
والعبد للشهوات منين هوا حر؟
عجبى !!!!!

وقفت بين شطين على قنطرة
الكدب فين والصدق فين يا ترى؟
محتار أموت ، الحوت خرج لى وقال
هوا الكلام يتقاس بالمسطرة؟
عجبى !!!!!

سراب فى مستشفى الولادة طويل
صرخات عذاب ورا كل باب وعويل
وفى الطريق متزوقين البنات
متزوقين للحب والمواويل
عجبى !!!!!

الدنيا أوده كبيرة للانتظار
فيها ابن آدم زيه زى الحمار
الهم واحد والملل مشترك
ومفيش حمار بيحاول الانتحار
عجبى !!!!!

أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبى !!!!!

نسمة ربيع لكن بتكوى الوشوش
طيور جميلة بس من غير عشوش
قلوب بتخفق إنما وحدها
هيا الحياة كده كلها فى الفاشوش
عجبى !!!!!

يا طير يا عالى فى السما طز فيك
ما تفتكرش ربنا مصطفيك
برضك بتاكل دود وللطين تعود
تمص فيه يا حلو ويمص فيك
عجبى !!!!!

كروان جريح مضروب شعاع من القمر
سقط من السموات فؤاده انكسر
جريت عليه قطة علشان تبلعه
أتاريه خيال شعراء ومالهوش أثر
عجبى !!!!!









20/08/2009 - 08:23 مساءً

رد مع اقتباس | إبلاغ عن الموضوع


#1 رد : يا طير يا عالى فى السما طز فيك ما تفتكرش ربنا مصطفيك

نور الصباح

مشرف واحة التاريخ و الاثار


الهوية الشخصية
رقم العضوية : 22842
المشاركات : 12482
الزيارات : 480
الانضمام : 1/8/2008
النوع : أنثــــى
الحالة : غير متصل



or=blue]قالوا ابن آدم روح وبدنه كفن
قالوا : لا بدن قالوا : لا ده روح فى بدن
رفرف فؤادى مع الرايات فى الهوا
أنا قلت لا روح فى بدن فى وطن
عجبى !!!!!

أنا كان لى أب وكان رئيس محكمة
ستين سنة فى قضية واحدة اترمى
ستين سنة وطلع براءة وخرج
يشكى الحياة والموت لرب السما
عجبى !!!!!

يومى على الله تنتهى وتغيب
الشمس .. وتعود تانى يوم لهاليب
زى الحياة مأساة ومن كترها
بقى لا انتهاءها ولا ابتداءها عجيب
عجبى !!!!!

علم اللوع أضخم كتاب فى الأرض
بس اللى يغلط فيه يجيبوا الأرض
أما الصراحة فأمرها ساهل
لكن لا تجلب مال ولا تصون عرض
عجبى !!!!!

نظرت فى الملكوت كتير وانشغلت
وبكل كلمة ليه؟ وعشان إيه؟ سألت
اسأل سؤال ارد يرجع سؤال
وأخرج وحيرتى أشد مما دخلت
عجبى !!!!!

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا وحى بيصير تراب
الأصل هوا الموت ولا الحياه؟؟
عجبى !!!!!

ضريح رخام فيه السعيد اندفن
وحفرة فيها شريد من غير كفن
مريت عليهم قلت يا للعجب
الاتنين ريحتهم فيها نفس العفن
عجبى !!!!!

والكون ده كيف موجود من غير حدود
وفيه عقارب ليه؟ وتعابين ودود
عالم مجرب فات وقال سلامات
ده ياما فيه سؤالات من غير ردود
عجبى !!!!!

وأنا فى الظلام من غير شعاع يهتكه
أقف مكانى بخوف ولا أتركه
ولما يجى النور وأشوف الدروب
أحتار زيادة ... أيهم أسلكه؟؟
عجبى !!!!!

قطى العزيز راقد على الكنبات
فى نوم لذيذ .. وبيلحس الشنبات
وانا كلّ عين فنجان مدلدق قلق
صدق اللى قال إن الحياة منابات
!!عجبى

قالوا السياسة مهلكة بشكل عام
وبحورها يا بنى خشنة مش ريش نعام
غوص فيها تلقى الغرقانين كلهم
شايلين غنايم . والخفيف اللى عام
!!عجبى

أهوى الهوى وهمس الهوى فى العيون
وبسمة المغرم . ودمعة الحنون
وزلزلات الحب نهـد الصبـا
أكون أنا المحبوب . أو لا أكون
!!عجبى

عيد والعيال اتنططوا ع القبور
لعبوا استغماية . ولعبوا بابور
وباللونات . ونايلونات شفتسى
والحزن ح يروح فين جنب السرور
!!عجبى

بلياتشو قال إيه بس فايدة فنونى ؟
وتلات وقق مساحيق بيلوّنونى
والطبل والمزمامير وكتر الجعير
إذا كان جنون زبونى زاد عن جنونى
!!عجبى
[/color]


التوقيع





20/08/2009 - 08:53 مساءً

رد مع اقتباس


#2 رد : يا طير يا عالى فى السما طز فيك ما تفتكرش ربنا مصطفيك

خالد المليجى

عضو متميز


الهوية الشخصية
رقم العضوية : 37304
المشاركات : 146
الزيارات : 13
الانضمام : 30/7/2009
النوع : ذكـــــر
الحالة : غير متصل



يا طير يا عالى فى السما طز فيك
ما تفتكرش ربنا مصطفيك
برضك بتاكل دود وللطين تعود
تمص فيه يا حلو ويمص فيك
عجبى !!!!!

هههههههههه

حلوة

التوقيع

21/08/2009 - 03:00 مساءً

رد مع اقتباس


#3 رد : يا طير يا عالى فى السما طز فيك ما تفتكرش ربنا مصطفيك

nzar

عضو متميز


الهوية الشخصية
رقم العضوية : 41727
المشاركات : 822
الزيارات : 5
الانضمام : 4/6/2016
النوع : ذكـــــر
الحالة : غير متصل



شكرا على الموضوع الرائع , تجربتى فى شركة اسواق اليوم Aswaq today رائعة وشركة ممتازة ولها مصداقية
https://www.youtube.com/watch?v=mf-RQHn7YlI

06/06/2016 - 09:37 مساءً

رد مع اقتباس


#4 رد : يا طير يا عالى فى السما طز فيك ما تفتكرش ربنا مصطفيك

nzar

عضو متميز


الهوية الشخصية
رقم العضوية : 41727
المشاركات : 822
الزيارات : 5
الانضمام : 4/6/2016
النوع : ذكـــــر
الحالة : غير متصل




انا بقالى 3 سنوات بتعامل مع شركة اسواق اليوم aswaq today وانصحكم بالتعامل واليكم رابط الشركة
www.aswaq-today.com
https://www.youtube.com/watch?v=cWcTR91ZnSI

06/06/2016 - 09:43 مساءً

رد مع اقتباس


رد جديد موضوع جديد الموضوع السابق | الموضوع التالي
المواضيع المتطابقة
العنوان الكاتب القسم آخر رد الردود
اخطاااااااااااء شائعه فى بدايه العلاقاااااااات العاطفيه م / أحمد مجد منتدى مشكلات الأزواج و حلها روك المتمرد 2





المسؤولون عن المنتدى | مواضيع اليوم(0) | مراسلة الإدارة

ضغط المنتدى Gzip : مُعطل
Powered By MySmartBB Royal 1.1.0 | إعداد و برمجة فريق MySmartBB
Css by vb-style.com
Developed By Bruce | Dev-ly.com
Share to Facebook Share to Twitter Stumble It More...