الرئيسية| التسجيل| الإحصائيات| قائمة الأعضاء| بحـث| آخر المشاركات| قوانين المنتدى| الاسئلة الشائعة| اذاعة القراءن الكريم|

استرجاع كلمة المرور     التسجيل في المنتدى
السلام عليكم ورحمة الله وبركاته أهلا بك عزيزي الزائر



    آخر المواضيع :


http://www2.0zz0.com/2014/12/06/22/508506600.jpg

منتديات الفقيه » منتدى أبن البلد » حدث فى انتيكا

رد جديد موضوع جديد
  موضوع مثبت 
الكاتب طباعة الموضوع  |  إرسال الموضوع لصديق  |  أخذ نسخة من الموضوع  

طارق حماد

مشرف منتدى أبن البلد



الهوية الشخصية
رقم العضوية : 43
المشاركات : 271
الزيارات : 57
الانضمام : 21/7/2007
الدولة : مصراوى للابد
النوع : ذكـــــر
الحالة : غير متصل



حـدث في أنتيكـا

مكتب وزير الثقافة
كان وزير ثقافة انتيكا جالسا فى مكتبه يقرأ الجريدة حين استوقفه خبر غريب.. (استقالة وزير المواصلات الياباني)
فاستدعى مدير مكتبه على الفور:
- حسين.. تعالى.. قريت الخبر ده ؟
- قريته يا فندم .. وماله ؟
- هى ايه الاستقالة دى ؟؟
- والله يا فندم علمى علمك ..
- يبقى تدور لنا عليها عشان لو حاجة حلوة نعملها.. اشمعنى اليابانيين يعني.. عندك فكرة فيه وزير هنا فى انتيكا عمل الاستقالة دى قبل كده ؟؟
- لا يا فندم .. دى اول مرة اسمع عنها
- طيب اتصل باليابان كده واستفسر , واعرف القصة بالتفصيل .

********
بعد يومين
حسين يدخل على الوزير متهللا :
- لسة قافل مع اليابان دلوقتى
- ها.. وقالولك ايه ؟؟
- هما قالوا كلام كتير اوي.. بس انا مافهمتش اي حاجة.. مانت عارف سعادتك انهم بيتكلموا يابانى .
- امال جاى مبسوط ليه كده يا حيوان ؟
- مانا يا فندم عندى رأى ..
- قول !
- انا برجح ان الاستقالة دى تكون مثلا ترقية للوزير..
- ترقية؟.. والله كلام معقول!
يبقى نقدم طلب لرئيس الوزراء من بكرة.
- بس دى حاجة جديدة ويمكن ما يوافقش.
- لا ماعتقدش.. احنا لسه واقفين معاه وقفة جدعان في الانتخابات, مش معقول هايستخسر فيا حتة استقالة, من بكرة تقدم الطلب , باقولك ايه.. اوعى حد من الوزراء اللى فى المجلس ياخد خبر.. لحسن حد يسبقنا.. عايز اكون اول وزير يبقى معاه استقالة .

********
رئاسة وزراء جمهورية انتيكا
رئيس الوزراء يتناول دواء الضغط ويحدث كبير الياوران:
- وبعدين بقى فى حركة هوينا دي.. مش يتلموا شوية بدل ماسود عيشتهم
- ماهى سودا اساسا يا فندم
- بتقول حاجة ؟؟
- قصدي هما متحامين فى جمعية حقوق الانسان
يبتلع دواء السكر ويردف:
- حقوق ايه بس .. هما مش بياكلوا فول كل يوم وعايشين؟.. اعملهم ايه تانى؟
- ماهم بيطالبوا بحاجة تانية غير الفول!
يتناول منظم ضربات القلب ويتابع:
- خلاص.. نزلوا لهم الطعمية خليهم يعيشوا عيشة الملوك.. بس بالسعر السياحى.. آه.. احنا مش هاندعم كل حاجة.. اجيب منين؟
-لا يا فندم هما بيطالبوا بحاجة غريبة كده اسمها .. اسمها.. (يخرج ورقة صغيرة يقرأ ما بها) اسمها ديموقراطية !
يستنشق موسع الشعب الهوائية ويهتف:
- مين؟؟ ديمو.. ايه.. الله يخرب بيت الدش اللى بوّظ اخلاق الشعب.. طيب شوفولهم الهبابة دى وهاتولهم منها شوية.. بدل ما كل شوية يقولوا هوينا هوينا.. بس برضه بالسعر السياحي.. احنا هاندعم الكماليات كمان؟.. اجيب منين ؟
- حاضر يا فندم.. فيه كمان طلب غريب قوى من وزير الثقافة..
يتناول مذيب الجلطة صارخا :
- خير.. عايز ايه هو كمان؟؟.. لو عايز دعم قوله مافيش.. مافيش.. اجيب منين ؟
- لا ده عايز حاجة غريبة اوى عايز اسـ .. اسـ ..
- السلامو عليكوا.. انت هاتغني؟.. ماتخلص !
- استقالة !
- ده يوم ايه المهبب ده !.. ديموقراطية واسقالة .. انا اصطبحت بوش مين بس.. انا قولت البلد دى ماينفعلهاش دش.. تطلع ايه الاستقالة دى ؟؟؟
- والله يا فندم مش عارف.. انما نسأل يا فندم .. نسأل .
- تسأل بسرعة يا زفت
- حاضر يا فندم.. أى اوامر تانية ؟
يجلس على الكرسى المتحرك ويجيب :
- شغل الدش على قناة ميلوتى وغور فى داهية

********
وزارة الداخلية
مساعد الوزير يهتف فى اذن الوزير:
- مقدم طلب للريس عشان يوافق له على استقالة , ومين عارف الاستقالة دى بتعمل ايه .. مش يمكن تخليه يمسك الداخلية كمان ؟
- يانهار ابوه اسود.. لا ده بعده, الأمن هايفضل مستتب طول مانا فى موقعي.. تسألنا على الاستقالة دي فى اسرع وقت.. اتصل ببلاد بره اسألهم عنها.. معاك رنّــات ؟؟
- لا سعادتك.. انا فى السماح .
- طيب خد موبايلي
- احم .. ماهو مسروق يافندم ولسة مالاقيناهوش !
- والحل ؟؟؟؟
- فيه حل واحد .. اتغدى بيه قبل ما يتعشى بيك, وقدم انت كمان على استقالة.
- والله فكـــــرة !!

********
رئاسة وزراء الجمهورية
رئيس الوزراء يتمايل طربا على انغام الاغنية ويردد معها (بوص عليا بوص.. انا دانا.. انا دندن.. فتح عينك..تا..) حين يدخل عليه كبير الياوران فيبادره :
- سألتلنا على الاستقالة ؟
- ماحدش فاهم حاجة خالص يا ريس .. مافيش حد فى الدول العربية أو الافريقية يعرف عنها حاجة .. حتى فى كل القواميس السياسية العربية مالهاش اثر !!
- امال جابها منين ابن القروبة ده؟
- انا سمعت طشاش كده ان فى بلاد بره الرئيس بيوافق بس على الاستقالة للوزير لما يكون عمل حاجة كبيرة اوي .
- كبيرة ايه.. دول بهايم.. هو حد منهم بيعمل حاجة من نفسه.. كله بتوجيهاتى, طب والعمل يا زفت؟
- انا رأيي سعادتك ان كده ولا كده احنا نرفض الطلب , والباب اللى يجيلك منه الريح سده واستريح, اصلها لو طلعت كويسة مش بعيد تلاقى كل الوزراء مقدمين على استقالة !
- على رأيك .. وهى يعنى من كتر الاستقالات ... انا اجيب منين بس؟؟

********
وزارة الثقافة
هتف حسين مدير المكتب:
- الوفد الاجنبى وصل يا فندم
- خليهم يدخلوا فورا.
استقبل الوزير اعضاء الوفد واخذ يستعرض معهم انجازات الوزارة خلال عشرين عاما قضاها في موقعه.
- بس ليه كده يا معالي الوزير.. انتوا ليه مش مهتمين بالثقافة ؟
- ماحنا عشان كده هاناخد خطوة جبارة على طريق التنمية الثقافية .
- ايه يا ترى ؟؟
- هاقولك رغم انه سر.. انا.. مقدم على استقالة .
- استقالة !!.. ومين هايمسك الوزارة من بعدك ؟
- انا برضه.. يعنى لما اكون وزير حاف امسكها ولما اخد الاستقالة اسيبها ؟!
- ايوة ماهي الاستقالة كده !
- يا سلام .. ومابقاش وزير ؟
- لأ !!
- ايه ده؟؟ يعنى العز والهايلمان والمرسيدس والستات وكشك الحراسة وكارنيه نادى الشمس .. كل ده هايروح..!!!.
- ايوة وتبقى مواطن عادي جدا .
- لا يا عم يفتح الله, حسين.. حسييييييييييين......
- ايوة يا فندم ؟
- شوفت شورتك المهببة.. هايسحبوا مني الوزارة !
- ليه يا فندم؟.. هو انت كنت ركنتها فى الممنوع ؟
- انت بتهزر ياحيوان؟.. بكرة الصبح تروح تسحب الطلب المهبب ده .
- ما ينفعش.. لازم سيادتك اللى تروح تسحبه بنفسك
- اروح.. طبعا اروح.. قال يسحبوا الوزارة قال ؟!!

********
رئاسة وزراء الجمهورية
رئيس الوزراء يحدث وزير الثقافة :
- يعنى انت مقدملي على استقالة؟
- يا فندم دى غلطة مطبعية.. انا قصدى اصطباحة مش استقالة .
- ايوة كده ياخى قل لنا حاجة نفهمها.. فين الاصطباحة دي ؟
يخرج سيجارة ملغمة ويناولها له:
- صباح العطر ياريّس
- صباح التنفّس.. ده صنف عالى اوى.. ابقى سيب منه بره عشان الكل يتكيف
يدخل وزير الداخلية :
- صباح الخير يا فندم.. انا عايز استقالة .
- تعالى تعالى.. شد واحبس واتكيف
- يا سلاااااااااام .. دى حاجة فوق المزاج
- عجبتك ؟
- دى حاجة فلة.. هي دي الاستقالة ؟
- ايوة يا سيدى.. مبسوط.. ياللا ياد منك ليه كل واحد على وزارته.. مش اصطبحتوا, شوفوا شغلكوا .
الوزيرين فى نفس الوقت :
- اوامرك.. مساء الخييييييييييييييييييييييير .
********
-د.تـامر أحمـد-







إقرأ مواضيعى فى منتدى ابن البلد :)

01/09/2007 - 02:55 مساءً

رد مع اقتباس | إبلاغ عن الموضوع


#1 رد :حدث فى انتيكا

diaarizk

مشرف دليل المواقع العربية و الاجنبية و استضافة المواقع


الصورة الشخصية لـdiaarizk


الهوية الشخصية
رقم العضوية : 10
المشاركات : 523
الزيارات : 215
الانضمام : 11/5/2007
النوع : ذكـــــر
الحالة : غير متصل



طب ممكن اقدم على استقاله،،،،،،،،،،،،،،،،،،،،،



التوقيع

Dido



خلفيات عربيات ----- Cars Wallpaper


http://www.cars-formula.blogspot.com

http://www.free-cars-wallpaper.com

مجلة الإنترنت



http://www.thewwwmagazine.com

01/09/2007 - 10:54 مساءً

رد مع اقتباس


#2 رد :حدث فى انتيكا

بنت مصرية

مشرف منتدى الزهور و النباتات و الأعشاب


الصورة الشخصية لـبنت مصرية


الهوية الشخصية
رقم العضوية : 362
المشاركات : 209
الزيارات : 814
الانضمام : 31/8/2007
النوع : أنثــــى
الحالة : غير متصل



يعنى ايه أستقاله --- أعتقد انها كلمة معربه و دخيله على لغتنا العربية --- و لو كانت حلوه انا هنزل و أشترى اثنين

التوقيع



تم تحرير هذا الرد بواسطة رشاد الفقيه
في : 2007-09-02 09:33:59

02/09/2007 - 09:28 صباحاً

رد مع اقتباس


#3 رد :حدث فى انتيكا

رشاد الفقيه

المشرف العام


الصورة الشخصية لـرشاد الفقيه


الهوية الشخصية
رقم العضوية : 1
المشاركات : 10420
الزيارات : 2038
الانضمام : 7/5/2007
النوع : ذكـــــر
الحالة : غير متصل



انا عرفت يعنى ايه أستقاله ---- اللى عاوز يعرف يتصل بى على الموبيل أو الايمل و دا سر خطيييييييييير لانها جاحه عيب

التوقيع




مع تحيات
رشاد ابوجامع فرغلى حسن ( رشاد الفقيه)








تم تحرير هذا الرد بواسطة رشاد الفقيه
في : 2007-09-02 12:50:07

02/09/2007 - 09:30 صباحاً

رد مع اقتباس


#4 رد :حدث فى انتيكا

محمد على سبع

مشرف المنتدى الدينى الشامل


الصورة الشخصية لـمحمد على سبع


الهوية الشخصية
رقم العضوية : 73
المشاركات : 486
الزيارات : 196
الانضمام : 25/7/2007
الدولة : مصر أم الدنيا
النوع : ذكـــــر
الحالة : غير متصل



والله حاجة أنتيكة
بس ماحدش قال هو فين رئيس جمهورية أنتيكا المهلبية ؟
يا ترى ضاربله هو كمان واحد اصطباحة وعامل دماغ عالية ولا ناوى يقدم استقالة


التوقيع

02/09/2007 - 08:37 مساءً

رد مع اقتباس


#5 رد :حدث فى انتيكا

ahlawy4vr

مشرف منتدى رابطه لو بطلنا نكسب نموت


الصورة الشخصية لـahlawy4vr


الهوية الشخصية
رقم العضوية : 274
المشاركات : 329
الزيارات : 281
الانضمام : 3/8/2007
النوع : ذكـــــر
الحالة : غير متصل



علشان كدة انتكية مزلولة لماما امريكا.........

الكيف بيزيل


التوقيع


[IMG] [/IMG]

03/09/2007 - 05:58 مساءً

رد مع اقتباس


#6 رد :حدث فى انتيكا

رؤى عمرى سنه

مشرف منتدى أطفالنا فى عيوننا ( المشكلات و الحل )


الصورة الشخصية لـرؤى عمرى سنه


الهوية الشخصية
رقم العضوية : 210
المشاركات : 67
الزيارات : 787
الانضمام : 30/7/2007
الدولة : حبيبة بابا وماما مصر
النوع : أنثــــى
الحالة : غير متصل



أعتقد يا عموووو انى الاستقاله دى حاجه حلوه لانى سمعت بابا بقول من يوم ما انا قدمت على الاستقاله من الشغل - اللى كان بأخذ فيه 140 جنيه - وقبلوها و بيقول انا مرتاح

التوقيع


04/09/2007 - 03:39 صباحاً

رد مع اقتباس


#7 رد :حدث فى انتيكا

طارق حماد

مشرف منتدى أبن البلد


الصورة الشخصية لـطارق حماد


الهوية الشخصية
رقم العضوية : 43
المشاركات : 271
الزيارات : 57
الانضمام : 21/7/2007
الدولة : مصراوى للابد
النوع : ذكـــــر
الحالة : غير متصل



شكرا يا جماعة على الردود الجميلة
ومن ناحية تعريف الاستقالة فدة موضوع غامض جدا وغير معروف فى الوطن العربى
واقترح
ان احنا نسال الوفد الاجنبى


التوقيع


إقرأ مواضيعى فى منتدى ابن البلد :)

07/09/2007 - 03:43 صباحاً

رد مع اقتباس


#8 رد :حدث فى انتيكا

AMA

عضو متميز


الصورة الشخصية لـAMA


الهوية الشخصية
رقم العضوية : 14
المشاركات : 238
الزيارات : 785
الانضمام : 14/5/2007
النوع : ذكـــــر
الحالة : غير متصل



اعتقد ان السؤال لغير الله مزله

وانا من اول الموافقين علي طلب ضياء بغض النظر عن معني الكلمه اللي هوه قالها



التوقيع


07/09/2007 - 02:49 مساءً

رد مع اقتباس


#9 رد :حدث فى انتيكا

dr2002

مشرف منتدى طبيب الأسرة


الصورة الشخصية لـdr2002


الهوية الشخصية
رقم العضوية : 414
المشاركات : 164
الزيارات : 65
الانضمام : 7/10/2007
النوع : ذكـــــر
الحالة : غير متصل



خلونا نسال يا جماعه مش يمكن يطلع فيه استقاله بالجبنه او استقاله بالكاتشب ويمكن نحلي باستقاله بالسكر
بس بجد الموضوع جامد تسلم


التوقيع
[IMG]

16/11/2007 - 05:49 مساءً

رد مع اقتباس


#10 رد : حدث فى انتيكا

مصطفى الامام

عضو


الهوية الشخصية
رقم العضوية : 26183
المشاركات : 2269
الزيارات : 275
الانضمام : 31/10/2008
الدولة : مصر
النوع : ذكـــــر
الحالة : غير متصل



وبضم صوتى لصوت dr2002 وانا اعتقد انى فى استقالة بالمكسرات استقالة سادة
وممكن تاخد معاها كول سلو ههههههه
بس يلا هو ده حال البلد وهو ده حلنا
وتسلم ايدك على المجهود العظيم اللى معمول فى الموضوع


التوقيع

زهـــ مخـــ مضــ زعــ حزين ـلان ــايق ـــنوق ـــقان

03/11/2008 - 05:07 مساءً

رد مع اقتباس


رد جديد موضوع جديد الموضوع السابق | الموضوع التالي
المواضيع المتطابقة
العنوان الكاتب القسم آخر رد الردود
الفياجرا 000 ام الدراجة لعلاج العجز الجنسى رشاد الفقيه منتدى مشكلات الأزواج و حلها matrix_love 0





المسؤولون عن المنتدى | مواضيع اليوم(3) | مراسلة الإدارة

ضغط المنتدى Gzip : مُعطل
Powered By MySmartBB Royal 1.1.0 | إعداد و برمجة فريق MySmartBB
Css by vb-style.com
Developed By Bruce | Dev-ly.com
Share to Facebook Share to Twitter Stumble It More...