الرئيسية| التسجيل| الإحصائيات| قائمة الأعضاء| بحـث| آخر المشاركات| قوانين المنتدى| الاسئلة الشائعة| اذاعة القراءن الكريم|

استرجاع كلمة المرور     التسجيل في المنتدى
السلام عليكم ورحمة الله وبركاته أهلا بك عزيزي الزائر



    آخر المواضيع :


http://www2.0zz0.com/2014/12/06/22/508506600.jpg

منتديات الفقيه » منتدى أبن البلد » عشان ماتنضربش على قفاك 1

رد جديد موضوع جديد
  موضوع مثبت 
الكاتب طباعة الموضوع  |  إرسال الموضوع لصديق  |  أخذ نسخة من الموضوع  

طارق حماد

مشرف منتدى أبن البلد



الهوية الشخصية
رقم العضوية : 43
المشاركات : 271
الزيارات : 57
الانضمام : 21/7/2007
الدولة : مصراوى للابد
النوع : ذكـــــر
الحالة : غير متصل



عشان ماتنضربش على قفاك
الجـزء الأول
--------------------------------------------------------------------------------
بأسلوب بسيط وبطريقة السؤال والجواب، كتب ضابط الشرطة السابق العقيد عمر عفيفى كتاب: عشان ماتنضربش على قفاك، فى سبيل توعية المواطنين بحدود تعاملات رجل الشرطة مع المواطن، من حيث سلطات الشرطى فى تفتيش المنازل والاشخاص والسيارات، وحقه فى الاطلاع على الهوية، وغير ذلك. وماأن طرح الكتاب حتى صادرته وزارة الداخلية المصرية.. وبعد مطارادت امنية لعفيفى، قرر مغادرة البلاد الى الولايات المتحدة

و"عشان ما تنضربش على قفاك".. ننشر مقتطفات من هذا الكتاب

*******
س: أعمل إيه لو كنت في بيتى ولقيت حد من الشرطة خبط على الباب وعاوز يفتشه؟

ج: لازم تتمالك نفسك ومتخفش وتتحقق الأول من شخصيته وتشوف كارنيهه وتعرف هو مين وبيشتغل إيه وفين وتطلب منه يوريك أمر التفتيش الأول قبل ما تدخله البيت

س: إيه هى الحالات اللى ممكن يفتشوا فيها شقتى أو بيتي؟

ج: لازم يكون معاهم إذن تفتيش مسبب من النيابة العامة أو المحكمة المختصة، ويكون اللى بيقوم بتنفيذ التفتيش ظابط مش عسكري

س: أعمل إيه لو حد حاول يفتش بيتى بالعافية من غير أمر بالتفتيش؟

ج: تزعق وتلم عليه الجيران والناس اللى ماشيه في الشارع تشهّدهم عليه بأنه انتهك حرمة بيتك وارتكب جريمة انتهاك حرمة مسكنك وتعمله محضر علطول وتطلب النجدة على 122 عشان تثبت حالة

*******

س: إيه الحالات اللى ممكن الظباط يدخلوا فيها البيوت من غير إذن تفتيش من النيابة؟

ج: من حق الشرطة يدخلوا البيوت لو حد من أصحاب البيت طلب منهم المساعدة أو النجدة من داخل البيت

س: زى إيه الحالات دي؟

ج: مثلا لو كان فيه حريق أو تسرب غاز أو بوتاجاز من بيت أو شقة

س: وإيه حالات الضرورة الأخرى؟

ج: يجوز للشرطة اللى ليهم سلطة الضبطية دخول البيوت لو كانوا بيتعقبوا شخص له أمر ضبط وإحضار من النيابة أو المحكمة ومطلوب القبض عليه

*******

س: إمتى تطلّع الإجراء باطل وتتهم الظابط في قضية تزوير محضر وتلفيق اتهام؟

ج: للبيوت حُرمات، ولا يجوز لأى حد إنه يدخل بيت أو يفتشه إلا بأمر من النيابة العامة أو من المحكمة المختصة، ويكون أمر التفتيش مسبب، وأى حد يدخل بيت أو يفتشه بدون أمر قضائى يبقى ارتكب جريمة انتهاك حرمة مسكن

س: أعمل إيه لو حد طلب منى إنه يفتش بيتى ومكنش معاه إذن بالتفتيش من النيابة وأحرجني؟

ج: لازم ترفض لأنك لو وافقت على إنه يفتشك يبقى سقط حقك في الرفض وتبقى إديته الحق في تفتيشك برضاك

س: لو كان الظابط معاه إذن تفتيش ومفتحتش له، هل من حقه يكسر الباب؟

ج: الظابط لو معاه إذن بالتفتيش من حقه يكسر الباب ويفتش حتى أوضة النوم

*******

س: بنسمع إن الظباط بيفتشوا وبعدين يطلّعوا اذن التفتيش، نعمل إيه في الحالة دي؟

ج: تبعت على طول تلغرافات إن التفتيش تم في المكان الفلانى في الوقت الفلانى وياريت محدش يعرّف الظباط إن حد بعت تلغرافات لأن في الحالة

س: وهو ينفع يكون إذن التفتيش من النيابة شفوى أو في التليفون؟

ج: لازم يكون مكتوب ولازم يكون مكتوب فيه اسم وكيل النيابة اللى طلعه واسم المتهم أو المتهمين المطلوب تفتيشهم والسبب وتاريخ صدور الأمر، لكن فيه حالات نادرة جدا ممكن يكون الإذن شفوي

س: هل ينفع التفتيش بالليل؟

ج: التفتيش ينفع في أى وقت بالليل أو بالنهار وحتى في أيام العيد والعطلات الرسمية

*******

س: لو حد كان مستخبى في بيته وليه أمر ضبط وإحضار يقدروا يدخلوا البيت ويفتشوه بالقوة؟

ج: من حقهم يدخلوا البيت ويفتشوا على المتهم لتنفيذ الضبط والإحضار عليه

س: لو فيه أمر بالتفتيش لبيت من حقهم يفتشوا الناس اللى في البيت؟

ج: مش من حقهم يفتشوا كل الموجودين في البيت لكن من حقهم يأمروهم بعدم التحرك، لكن إذا قامت وقت تفتيش بيت المتهم دلائل قوية ضد شخص موجود في بيت المتهم اللى بيتفتش إنه مخبى معاه حاجه أو شيء يفيد في كشف الحقيقة يقدر وقتها الظابط يفتشه

س: لو أنا مش في البيت أو في المكتب أو المحل يقدروا يفتشوه وأنا مش موجود؟

ج: المفروض يفتشوه في حضور حد من أهل بيتك أو من اللى شغالين عندك أو في حضور شهود من قرايبك أو جيرانك ويثبتوا ده في محضر

*******
.. يـ تـ بـ ـع

من طارق فاروق








إقرأ مواضيعى فى منتدى ابن البلد :)

27/11/2008 - 11:35 مساءً

رد مع اقتباس | إبلاغ عن الموضوع


رد جديد موضوع جديد الموضوع السابق | الموضوع التالي
المواضيع المتطابقة
العنوان الكاتب القسم آخر رد الردود
والله لازم كل الاعضاء والمشرفين تخش عشان نخلى دردشة الفقيه تشتغل.. مصطفى الامام منتدى الفكاهه و النكت nosnos_ata 0





المسؤولون عن المنتدى | مواضيع اليوم(3) | مراسلة الإدارة

ضغط المنتدى Gzip : مُعطل
Powered By MySmartBB Royal 1.1.0 | إعداد و برمجة فريق MySmartBB
Css by vb-style.com
Developed By Bruce | Dev-ly.com
Share to Facebook Share to Twitter Stumble It More...